ردا على سؤال ما الدور الذى يلعبه الخوف في حياتكم .
انا والخوف وهواك ؛
الخوف هو مجموعه من الفوبيات . اجتمعت على راس صاحبها .
لتصيبه بالقلق والتوتر ومن ثم الجنان .
بتخاف من ايه ..
بتخاف من التغيير . وﻻ
بتخاف من بكرة . وﻻ
بتخاف من الفراق . وﻻ
بتخاف من الوحدة . وﻻ
بتخاف من الالم . وﻻ
بتخاف من المرض . وﻻ
بتخاف من الموت . وﻻ
بتخاف من السن . وﻻ
بتخاف من النهايات . وﻻ
بتخاف من الكذب . وﻻ
بتخاف من الخداع . وﻻ
بتخاف من نفسك . وﻻ
بتخاف من الخوووووف .
اذن انت معنا على كوكب الأرض .
المفروض يكون عنوانه
اهلا بيك فى عالم ملئ بالخوف .
بس الغريبه المثل القديم " من خاف سلم "
ازاى خاف تسلم ... مفروض خاف تتجن .. خاف تموت من الرعب .
المهم تكون النتيجة .اى حاجه غير السلامه .
وياسلام لو كنت حساس بزيادة . كل حاجه هتخوفك وهتقلقك وكل حاجه من اى حد هتضايقك هتتعبك هتاثر فى نفسيتك .
كل تصرف هياذيك وانت بطبيعة الحال هتكون اول واحد بتأذى نفسك وبتيجى عليهاا .. النتيجه جناان رسمى وعقد وكلاكيع .. وقريباً العباسية ..
السؤال باه مش المفروض يباه عن الخوف .
السؤال الحقيقى .. يعنى ايه أمااان ؟
وامتى وفين وازاى تحس بالأمان .
شووو
21.10.2013
اهو انا بقي نفسي اعرف اية معني الامان
ردحذفوازاي احس بيه
وامتي هحس بيه
جميلة تدوينتك
تسلمى . انتى اللى جميلة .
حذفولو عرفتى الاجابه اباه قوليلى :)
الامان انك تعيش ف العالم المرعب دا ومتكنش خايف :)
ردحذفبيجى ازاى بقى معرفش
بس انا بحس بيه مثلا مع صحابى اول ما اسفر القاهره مش بكون خايفه عشان هما معايا
اعتقد ان سبب الخوف هو الوحده
لانى اول ما سافرت لوحدى اكتشفت انى بخاف من حاجات كتيره مكنتش بخاف منها وهما معايا
عندك حق الوحده شئ مرعب ومخيف واكتر سبب لعدم الأمان .
حذفبس ممكن تكونى وسط الناس وحاسه بالوحده
المهم تلاقى الحد اللى تثقى فيه ثقه كبيرة تحسى معاها بالامان