الخميس، 31 أكتوبر 2013

درب من دروب الجنون ؟!



فى يوم عادى , يوم عاقل وملل .
قررت ترجع البيت مشى .
وكانت عندها رغبه فى الانطلااق انها تحس انها حره .
تمشى تواجه نسمات الهواء .
تتنفس بعمق ,تنسى كل الهموم 

وفعلا مشيت كتيير 
والجو كان جميل ومساعد على كداا
بس الناس هى اللى كانت مش مساعده 
كل واحد بكلمه وتعليق .

مجرد ما تعدى جمبها عربيه وتبص تجاههاا تلاقي صاحب العربيه وقف ومستنيها .

كانت حاسه انها متراقبه ومتحاوطه من كل النااس .

لحد لما كانت بتعدى طريق لقت عربيه وصاحبها شاب بص لها وهدى سرعه العربيه لحد لما و صلت هى جمب العربيه 
فتح لها الباب وابتسم لها ابتسامه سحرتها .

وللحظات فكررت هى ممكن تتجن وتعمل كدا . ممكن تركب معاه . ياترى هو حد كويس ولا لا 
ياترى هيتعامل معاها ازاى .

وافتكرت كل الافلام والقصص اللى بيحصل فيها موقف زى دا
طيب ليه مش يكون هو دا فارس احلامها واتشدلها .

وفضلت كداا تايهه جوه احلامهاا 
لحد ما فاقت منها واكتشفت انها عايشه فى دنيا الواقع 
دنيا المصالح
دنيا مفيهاش مكان للأحلام 

وعدته وفضلت مكمله فى طريقها .
واكتشفت انها مهما هربت مش هتقدر تهرب من القيود ومن العيون ومن الواقع .
وأن كل الافلام والقصص والروايات لا مكان لها على ارض الواقع .

وانه العقل هيفضل نمطى ومسيطر وعمرك ما هتقدر تسلك درب من دروب الجنون . وتجرب وتغير .

هتفضل ماشى فى طريقك الروتينى . وعمرك ما هتقدر تغير منه او تخرج عن مساره .

ولا عزاء للخيال والجنون .

31/10/2013