كدااب !!

ليه والكدب ملهووش تبرير ؟!
ليه ولما بتكدب بتكدب على اقرب قلب ليك .. ماهو شايفك وحاسس بيك ..
حاسس بالكدب في كلامك ..

مهو كدبك عليه بيجرحه وسكوته وصبره عليك بيوجعه

ولو مره خاف يجرحك واتحمل ..
بلاش تزيد .. احسن بتكسر في غلاوتك عنده ...
وقتها ﻻ هيقدر يتحمل اكتر وﻻ يصدق وﻻ يطمن .

يمكن يهجرك فجأه من غير ﻻ لوم وﻻ عتاب .

ماانت استحليت خداعه والضحك عليه ... طيبته سمحتلك تمثل وببراعه ..
بس نسيت أن عنده قلب صادق بيحس بيك ..
شايفك بقلبه .. واصله كدبك .. عايش واتحمل مراره لاجل عنيك .

استناك تفكر .. استناك تتراجع .. استنى يمكن غلاوته عندك تفوقك ، توقفك ، لكن ازاااى ؟!

ولكن .. وازاى ؟
هيبقى عليك بعد كداا ..

ولكن .. وازاى ؟
هيتحمل تاانى ..

ياريت لو فى يوم راجعت نفسك وحسيت .. اديه ظلمته .. وليه ؟!
هتلاقيه مستنى يعرف سبب مقنع للى عملته فيه .
مهو مش عاوز يكرهك .. بس انت قول ليييييه ؟!

19/1/2014

غربتى والآاااه .. من غير دوا !!

هى حاجه من اتنين
يااما انا مش عارف اوصف  انا حاسه بايه .
او ان انا باحس بحاجات صعب تتوصف .

كل دى حيره ولخبطه
كل دى توهه
كل دى دواير متلخبطه
طيب اروح فين
واقول لمين !!
فهمنى غربتى .

ﻻ بالوحده وﻻ بالناس .. قدرت افهم .
ﻻ بالفكر وﻻ بالاهمال .. قدرت ارتاح .

ياامين يخرجنى من دى دوامه ..
يامين عنده دوا لدى آآاااااه !!

تقولشى انا من كوكب تانى .
وﻻ انا توهت عن كوكبى .
من فخ لفخ
متلخبطه ومتحيره كأنى طفله صغيرة .
لقت نفسها بين ناس ﻻ فاهماهم وﻻ فاهمه نفسها .

يااامين يخرجنى من غربتى ..
ورجعت لنفس المشكله ...
ما هى حاجه من اتنين
يااما انا مش عارف اوصف  انا حاسه بايه .
او ان انا باحس بحاجات صعب تتوصف .

غربتى والآاااه .. من غير دوا

20/1/2014