على جدران الموت خطينا اساميهم على جدران الروح انطبعت ملامحهم على جدران القلب اتحفرت ذكراااهم وازاى هننسى قلوب طبطبت علينا . مسحت دموعنا . هونت احزانااا ...كانوا شموع حياتنا. فى كل كيانااا و بين ذرات وجودنااا ,هيعيشوا فينا وفى عنينااا هتعيش صورهم . ومهما تمر الايام ماتقلقوش انتوا هنا بينااا مش منسيين تحت تراب الموت الموت ان كان أسر اجسادكم .. لكن ارواحكم هتفضل حرة.. ما الضحكه الحلوة مش بتموت والذكرى الحلو مش بتموت والعمل الصالح مش بيموت وتعاليمكم لينا عايشه جوانا وبتكبر معانااا .. وبيكبر معاها وجودكم فينا ااحنا عايشين بيكوا . انتوا عايشين فى قلوبناا للابد .
حقا نفتقدهم .... وعلى مر الزمان لن ننساهم حتى وان امتلأت حياتنا بالكثير
والكثير .. تظل روحهم وذكراهم فى القلب . نتمنى ان يكونوا خرجوا من ضيق
الدنيا لاحسن مكان واحسن حال .. اللهم ارحم ابى واغفر له وجميع موتى المسلمين . واجمعنا معهم فى جنه الخلد يارب العالمين
ربى اجعلنى فى ميزان حسناته رب أغفر وأرحم وأنت ارحم الراحمين . شووو 7 رمضان 16 -7-2013
زى النهارده كنت بأبتدى اتوه فى الدنيا لوحدى واحاول أنسى وجعى وأهرب من 100 ألف ليه جوايا دموه وآهات كنت وحيدة وضايعه وتايهه
وبأمد رجلى على اول سلم الحياة كأنى لسه بأتعلم أمشى من أول وجديد بس مش لاقيه حد يآخد بأيدى خايفة ومكسورة ومرت الأيام وفتحت قلبى على الحياة ويوم عن يوم كنت بأشوف أكتر وبراجع نفسى وكل يوم كنت أقتنع أنى طول ما أنا عايشه أن مش لوحدى ربنا بيآخد بإيدى .. ربنا بيبعدنى عن أى طريق مش مناسب ليا ربنا بيصححلى خطواتى رغم اصرارى وتعثراتى وبيأخدنى للطريق الصح وللطريق اللى مش هيضرنى الطريق اللى كله خير ليا كل يوم كنت أقول الحمد لله من قلبى وبرضا وبرااحة أكتر كل يوم كانت غشاوة بتتشال من قدام عينى وبأفهم ومن على قلبى وبأراتاح وأرضى باللى ربناا اختاره لى وافرح
صحيح تعبت وتألمت ,,, بس أتعلمت والأكثر أتبسطت بإحساسى ..... أن ربنا بيحبنى وعلى طول معايا اللهم قوّم خطانا وارزقنا الرشاد اللهم أهدنا الصراط المستقيم
المشاركات
