الاثنين، 21 أكتوبر 2013

لحن الحب والحياة ...


ربنا لم يخلق شخصا كامل .
كل انسان وعلى مر حياته اتشكلت صغاته واطباعه .
بس الصفات الحلوة كلها لم تجتمع فى شخص واحد .
زى ما الصفات الوحشه ايضا لم تجتمع فى شخص واحد .
بمعنى ان كل واحد بتقابله خليط بين صفات حلوة ووحشه اتشكلت واتجمعت  .
صفات طغت على التانيه .
صفات طفت . وصفات هو قدر يطوعها ويخفيها جواه . اوقات تغلبه وتظهر .
واوقات ومواقف هو اللى بيستدعيها .
المهم ان انت وانا وكل البشر دا حالهم .
الاهم ان انت بتتعامل مع كل واحد على حلوة ووحشه بتتقبله بترتاح له بتحبه .
ايواا بتحبه بتحب صفاته . بتحب خيره وشره .
انت بتحبه وانت اكتر واحد قربت منه وانت اكتر واحد شايف عيوبه ومميزاته .
رغم كدا بتحبه . مش بتتخيل حياتك من غير . تموت لو هو مش فيها . بكلمه منه يحييك . وبكلمه او بعد يموتك .

بتلاقى الارواح المتحابه . سيمفونيه ممزوجه متجمع فيها كل الاصوات الحلو والوحش والحاد والغليظ والعالى والمنخفض . اصوات كتيير مش شبه بعضها ويمكن لو سمعت كل واحد لوحده مش تتقبله . تنفر منه بس هما انسجموا مع بعض . اتلخبطوا . عزفوا اجمل لحن .
لحن الحياة والحب .

بس السؤال ...
فعلا الحب يعمل كداا ؟
بالحب تتقبل اى شئ ؟
علشان الحب تضحى باى شئ ؟
الحب يحلى اى شئ ؟
ياترى الحب موجود وﻻ وهم اخترعناه . وسيبناه يكبر وصدقناه ؟
حلو وﻻ حقيقة ؟
بس الحقيقية المؤكدة بلا أحلام!!!

حلم اخترعناه ك نوع من الحرص الفريب على العيش فى حياه ﻻ تستحق ان تعاش . فاخترنا نعيشها. احنا مغيبين بالاحلام ؟
ياترى الحب حلم وﻻ وهم وﻻ حقيقة ؟

شووو
22/10/2013

انا والخوف وهواك ؛


ردا على سؤال ما الدور الذى يلعبه الخوف في حياتكم .
انا والخوف وهواك ؛
الخوف هو مجموعه من الفوبيات . اجتمعت على راس صاحبها .
لتصيبه بالقلق والتوتر ومن ثم الجنان .
بتخاف من ايه ..
بتخاف من التغيير . وﻻ
بتخاف من بكرة . وﻻ
بتخاف من الفراق . وﻻ
بتخاف من  الوحدة . وﻻ
بتخاف من الالم . وﻻ
بتخاف من المرض . وﻻ
بتخاف من الموت . وﻻ
بتخاف من السن . وﻻ
بتخاف من النهايات . وﻻ
بتخاف من  الكذب . وﻻ
بتخاف من الخداع . وﻻ
بتخاف من نفسك . وﻻ

بتخاف من الخوووووف .
اذن انت معنا على كوكب الأرض .
المفروض يكون عنوانه
اهلا بيك فى عالم ملئ بالخوف .
بس الغريبه المثل القديم " من خاف سلم "

ازاى خاف تسلم ... مفروض خاف تتجن .. خاف تموت من الرعب .
المهم تكون النتيجة .اى حاجه غير السلامه .
وياسلام لو كنت حساس بزيادة . كل حاجه هتخوفك وهتقلقك وكل حاجه من اى حد هتضايقك هتتعبك هتاثر فى نفسيتك .
كل تصرف هياذيك وانت بطبيعة الحال هتكون اول واحد بتأذى نفسك وبتيجى عليهاا  .. النتيجه جناان رسمى وعقد وكلاكيع .. وقريباً العباسية ..

السؤال باه مش المفروض يباه عن الخوف .
السؤال الحقيقى .. يعنى ايه أمااان ؟
وامتى وفين وازاى تحس بالأمان .

شووو
21.10.2013