رسائل الله

رسائل الله ...

رسائل ربنا ليك .. ممكن تباه ناس تطبطب على قلبك وقت جرحك وقت حزنك .. حتى لو مش بشكل مباشر .. رغم انهم ميعرفوش اللى فيك .. بس ربنا بعتهم ليك لانه اعلم بيك ..
بتحصل صدقنى .. هتلاقى حد غير منتظر بيظهر لك فى وقت غير متوقع انه يظهر فيه .. وقتها اعرف انها رساله الله ليك .
......
رسائل ربنا ليك .. ممكن تباه ناس تدخل حياتك ترسملك بهجة وتلونها بأجمل الالوان .. تضحكك متبكيش .. تريح بالك متشغلوش .. وقتها اعرف انها رساله الله ليك .
رسائل ربنا ليك .. علامه او حاجه مرتبطه بحد تظهر لك فى وقت انت محتاجها فيه .. محتاج تحس بالحد دا فى الوقت دا انه حمبك .. ربنا يبعت لك حاجه كان بيحبها تقولك انه جمبك .. انه حاسس بيك .. انه معاك .. انه بيقولك كمل فى سكتك متخافش .. وقتها اعرف انها رساله الله ليك .
رسائل ربنا ليك .. لما تلاقى حاجه ماشيه بدون ترتيب بدون حسابات .. وماشيه لاحسن ما كنت تتخيل او تحب .. محسوبه صح .. مترتبه بالملى .. مظبوطه عليك اوى .. وقتها اعرف انها رساله الله ليك .

من الاخر سيبها على الله .. واطمن .. واعرف انك فى ايدى الله .. الحكيم العادل .. الرحمن الرحيم ..
سيبها على الله وافتح قلبك لرسائل الله ..
وقول الحمد لله .. وكله خير ..
14-3-2014
Shymaa